Á hverju ári bætast við fleiri sýndar og góðar hryssur.  2007 notuðum við Aron frá Strandarhöfði, Hnokka frá Fellskoti, Glóðar frá Reykjavík, Sæ frá Bakkakoti, Vilmund frá Feti og vorum svo lukkuleg að fá eitt folald undan Óði frá Brún, eitt af hans síðustu folöldum en hann þurfti að fella eftir slys haustið 2007 og var okkur mikill harmdauði.

Við höfum þann háttinn á að nefna folöldin smám saman, eftir því sem við kynnumst þeim og því eru enn nokkur nafnlaus þegar þetta er skrifað í janúar 2009.  Í myndabanknum að neðan eru svo myndir af flestum folaldanna.  Sem fyrr má smella á nöfn foreldranna og þá birtast um þau frekari upplýsingar.  Þetta ár var sannkallað "hestaár" á Árbakka, við eigum einungis 3 hryssur eftir á móti 9 hestum.  Vonandi snýst þetta við á næsta ári :)

Hér er svo listinn:

1. Sigurboði frá Árbakka, móbrúnn F: Aron frá Strandarhöfði M: Toppa frá Ármóti.  Mikið töltgengur, fallegur foli.

2. Grunur frá Árbakka, jarpur, F: Óður frá Brún (Heiðursverðlaun f afkvæmi) FF: Stígur frá Kjartansstöðum FM: Ósk frá Brún M: Gríma frá Árbakka.  Fallegur foli, virðist ætla að verða fallega fextur eins og mamma hans.

3. Dári frá Árbakka, móbrúnn.  F: Aron frá Strandarhöfði M: Dimma frá Efri-Rauðlæk.  Gullfallegur foli, spennandi efni.

4. Hari frá Árbakka, rauður. F: Aron frá Strandarhöfði M: Hind frá Árbakka.  Háfættur mjög fallegt folald. Þennan fola geltum við vorið 2009.

5. Róbert frá Árbakka, jarpur, F: Aron frá Strandarhöfði M: Rebekka frá Borgarholti.  Mjög flott folald, hágengur og sperrtur.

6. Gnýr frá Árbakka, rauður. F: Sær frá Bakkakoti (Heiðursverðlaun f afkvæmi) FF: Orri frá Þúfu, FM: Sæla frá Bakkakoti M: Gnótt frá Ási I.  Fallegur, hágengur foli, fer mest á brokki. Þennan fola geltum við 2009.

7. Gneisti frá Árbakka, brúnstjörnóttur F: Glóðar frá Reykjavík AE 8,.34 FF: Roði frá Múla FM. Glóð frá Möðruvöllum M: Gyðja frá Möðrufelli.   Virkilega flottur foli, fer á hágengur brokki.  Skemmtilegur karakter sem var nánast spakur frá fyrsta degi.   Geltur 2009.

8. Apríl frá Árbakka, móbrúnn F: Aron frá Strandarhöfði M: Þota frá Árbæ.  Gullfallegur foli.  Hann varð frægur í fréttum þegar mamma hans vildi hann ekki og fósturmóðir tók hann að sér.  Sú hefur hugsað vel um hann, heitir Perla frá Gili, mikil móðir.

9. Glóðar frá Árbakka, rauðstjörnóttur F: Glóðar frá Reykjavík M: Fluga frá Garði.  Óvenju framfallegur foli, þroskamikill og stór.

10.  Hnokkadís frá Árbakka, rauðblesótt.  F: Hnokki frá Fellskoti M: Saga frá Árbakka.  Varð önnur á folaldasýningu á Borg haustið 2008.  Seld til hollenskra hjóna.

11. Róshildur frá Árbakka, fífilbleikstjörnótt. F: Hnokki frá Fellskoti M: Rósa frá Svalbarða.  Sérlega framfalleg hryssa.

12. Erla frá Árbakka, móbrún F: Aron frá Strandarhöfði M: Edda frá Skíðbakka.  Falleg hryssa, sú eina undan Aroni þetta árið.

13. Vilma frá Árbakka, jarpstjörnótt F: Vilmundur frá Feti (Sigurvegari LM2006) FF: Orri frá Þúfu FM: Vigdís frá Feti.  M: Embla frá Oddgeirshólum.  Gullfalleg hryssa sem þýtur um á öllum gangi.