Gríma er ein af þeim hryssum sem við eignuðumst þegar við keyptum Árbakka.  Sannkölluð hagaprýði, enda faxprýði hennar með ólíkindum.  Enda með 10 fyrir þann þátt.

En hún er ekki bara falleg þessi elska.  Hún er hágeng og stórstíg klárhryssa og við höfum mikla trú á henni í ræktuninni.  Hún átti afkvæmi áður en við eignuðumst hana en nokkur eigum við sem lofa góðu, þar af ein sem er orðin nokkuð tamin. Við kynntumst henni ekki sjálf í reið en vinur okkar Siggi Sig sýndi hana og er búin að segja okkur allt  um hana en þekking á ræktunarhryssunum í reið er að okkar mati eitt af grundvallaratriðunum í hrossarækt.

F: Vökull frá Árbakka FF: Byskup frá Hólum FM: Valkyrja frá Kolkuósi

M: Dýna frá Breiðabólsstað MF: Héðinn frá Vatnagörðum MM:Elding frá Grímstungu

Afkvæmi:

2003 Ræsir frá Árbakka, seldur til Danmerkur fyrir okkar tíma á Árbakka

2004, Vika frá Árbakka, undan Vígari frá Skarði.  Hún er orðin nokkuð tamin, hágeng, vígaleg klárhryssa, var heldur róleg framan af en er öll að koma.  Hún fékk bygginardóm í ágúst 2009 upp á 7.88

2006 Grímhildur frá Árbakka, undan Leikni frá Vakurstöðum, brúnstjörnótt

2007, Ginning frá Árbakka, rauð undan Aroni frá Strandarhöfði, gullfalleg og ætlar að fá faxið hennar mömmu sinnar.  Seld sumarið 2008

2008 Grunur frá Árbakka, jarpur hestur undan Óði frá Brún, einna síðustu droparnir úr Óði heitnum fóru í þennan hest sem okkur líst vel á, framfallegur og sperrtur

2009, Gordon frá Árbakka undan Aroni frá Strandarhöfði

2010 er Gríma því miður geld

Gríma er svakaleg fyrirsæta, stillir sér alltaf upp með eyrun fram þegar ég mæti með myndavélina.  Það er erfiðast að velja bara eina mynd :)

Mál (cm):

141   139   67   144   28,0   18,5  

Hófa mál:

V.fr. 8,3   V.a. 7,5  

Aðaleinkunn: 7,93

Sköpulag: 8,11	Kostir: 7,82
Höfuð: 7,5    Skarpt/þurrt   Slök eyrnastaða   Háls/herðar/bógar: 8,5    Grannur   Skásettir bógar   Bak og lend: 8,0 Samræmi: 7,5    Flatar síður   Fótagerð: 9,0    Mikil sinaskil   Öflugar sinar   Prúðir fætur   Réttleiki: 7,5    Afturfætur: Nágengir   Hófar: 7,5    Lágir hælar   Efnisdeigir   Prúðleiki: 10,0	Tölt: 8,5 Brokk: 8,5 Skeið: 5,0 Stökk: 7,5    Þungt   Vilji og geðslag: 8,5    Ásækni   Þjálni   Fegurð í reið: 8,0    Mikið fas   Framsett   Fet: 8,5 Hægt tölt: 8,5 Hægt stökk: 8,0