Jæja, þá er búið að afgreiða mót ársins, svona fyrir söguna. Og komið að því að fara í frííí!!

Framundan var svo námskeiðsferð til Þýskalands fyrir Huldu og svo langþráð frí fyrir fjölskylduna á Spáni.  Erla, móðir Huldu, varð 60 þann 28. september og ákvað að bjóða öllum mannskapnum með til Spánar.  Leigði 300 fm villu með sundlaug og öllu saman, sérherbergjum með baði fyrir alla, alls 17 manns.  Við systkinin 4 ásamt mökum og börnum semsagt stungum af til Spánar í 2 vikur í lok september.

Frábært og nauðsynlegt að hlaða batteríin, við höfum verið allt of löt að koma okkur í frí, gerðum þetta fyrir 2 árum og það var frábært en svo var Árbakki keyptur og brjálað að gera, sennilega er alltaf eitthvað ef maður bara ákveður ekki að drífa sig af stað.

Við á fréttastofunni Árbakka erum sem sagt að ná í rassinn á sjálfum okkur, ekki seinna vænna :)

Hér að neðan eru svo nokkrar myndir frá Spáni fyrir þá sem nenna að skoða.  Góða skemmtun!