Seint í ágústmánuði var hið stóra Suðurlandsmót haldið á Gaddstaðaflötum við Hellu.  Nú er stutt að fara og síðustu forvöð að prófa nýja hesta og tékka á því hvort hestunum hafi nú farið eitthvað fram í sumar.

Og viti menn, þetta gekk bara alveg þolanlega.

Tóni frá Hala hefur farið mikið fram í fjórgangi, uppskeran 3 sæti í fjórgangi meistararflokks.  Fimmgangur meistaraflokks góður, Hrafnfaxi og Hinni og Galdur og Hulda í úrslitum og enduðu í þriðja og fimmta sæti, fimmgangurinn feikna sterkur og hlutskarpastir Stakkur og Diddi.  Og nýja vonin, Völsungur frá Reykjavik, við gerðum okkur lítið fyrir og sigruðum tölt opinn flokk og nældum okkur í góða meistaraflokkseinkunn.  Spennandi verkefni fyrir veturinn og ég hlakka til að koma fram með hann á nýju tímabili. 

Á engar myndir af þessu móti en set með mynd af Hinna á Hrafnfaxa sem leiddi fimmganginn fyrir úrslitin.  Hrafnfaxi fór enda stuttu eftir þetta mót til Austurríkis þar sem nýr eigandi hefur þegar riðið honum eitt mót og kom honum strax í Sport A sem jafngildir meistaraflokknum hjá okkur.