Hér er að finna myndir frá árinu 1989.  Það ár komst Hinrik í fyrsta skipti í Landslið Íslands og tók þar þátt á hestinum Vafa frá Hvassafelli.   Það mót fór fram í Vilhelmsburg, ekki langt frá Arhus á Jótlandi.   Vafi var undan óþekktum hrossum en var hálfbróðir hins þekkta Eldjárns frá Hvassafelli sem sigraði A flokk á Landsmóti 1982.   Vafi var ekki stór hestur en flínkur og mikið vakur.  Töltið batnaði sífellt við þjálfun og þeir félagar urðu t.d. Suðurlandsmeistarar í fimmgangi árið áður.  Á HM urðu þeir í öðru sæti í gæðingaskeiði en gekk ekki sem skyldi í hinum greinunum, fimmgangi og tölti.  Skeiðvöllurinn var ákaflega gljúpur og sendinn og var Vafa, svona litlum hesti ákaflega erfiður og varð það til þess að hann greip leiðinlega á sig snemma á mótinu og sýndi því ekki sínar bestu hliðar það sem eftir lifði móts. 

Þetta ár fór Huldu að ganga betur í keppni á Sindra sínum.  Sindri er frá Kópavogi og var annar hesturinn sem hún eignaðist, eftir að hafa þurft að fella fyrsta hestinn sinn vegna fótameins.  Sindra tamdi hún algerlega sjálf og reyndist henni prýðilega í keppni.  Þetta ár sigraði hún fimmgang í Gusti og var ekki lítið stolt af.  Að auki kom hún honum í úrslit á Landsmóti ungmennafélaga í Mosfellssveit.  Svo Mósi var heldur betur að byrja að virka.  Sindri var undan sýndri Kolkuóshryssu, Perlu frá Kópavogi og Mósart frá Kópavogi, Ófeigssyni sem var fæddur Zophoníasi Márussyni í Gusti.